Archive | ლექსები… RSS feed for this section
8 Sep

ქარმა გამომწვევად ხეებს ჩაუქროლა
და ერთ ლამაზ ფოთოლს გული აუთრთოლა,
წამო, წაგიყვანო, ცხრა მთას მოგატარებ,
მერე,მერე მოგიყვან და დედას ჩაგაბარებ.
ფოთოლს ამის მეტი არა გაუგია,
გრძნობით ანთებულმა თავი დაუქნია.
ქარმა სიყვარული აღარ გააცია,
ფოთოლი გრძნობის ალში გაახვია.
ახლაც აშრიალებს ქარი ლამაზ ფოთოლს,
გულსაც გაუხარებს ალბათ წარა-მარა,
მერე მიატოვებს სადღაც ქუჩის ბოლოს
ვიღაც მეეზოვის ცოცხის ანაბარა…

ზოგჯერ უთქმელი გრძნობა ,გაცილებით ძლიერია, ვიდრე გამხელილი..

13 Aug

MİYVARXAR!!!
მიყვარხარ!
ვიცი, რომ ეს სიტყვა ბევრის მთქმელია,
მაგრამ მე შემიძლია,
ჩუმი მზერით გაგრძნობინო
სიყვარული უფრო მეტად,
ვიდრე ამას ნებისმიერი სიტყვა გააკეთებს.

როცა ზამთარში, თოვლის ფიფქი
ხელზე გადნებოდა, არ უნდა დაგეფერთხა,
რადგან მასაც უყვარდი…
თუკი შემოდგომაზე ფოთოლს ნახავ,
შენს ფეხებთან  უმწეოდ ხმება,
არ დააბიჯო, ნუ გათელავ,
იქნებ უყვარხარ…
და როცა  ზაფხულში,
ციდან გამოქცეული მზის სხივი
თვალებში შემოგანათებს,
ნუ აიფარებ ხელებს…
რა იცი, იქნებ შეუყვარდე…
ზოგჯერ უთქმელი გრძნობა
გაცილებით ძლიერია, ვიდრე გამხელილი,
მაგრამ მე მაინც გეტყვი, რომ
იმ ფიფქივით,
ფოთოლივით და სხივივით,
(ან იქნებ მეტადაც)
მიყვარხარ!

7 Aug

☆”*•:

აკი მითხარი, ღმერთი არ მწამსო?!
მაშ რად იყავი სვეტიცხოველში?
აკი მითხარი, არვინ მიყვარსო?!
მაშ რად იჯექი ცრემლის მორევში?
რად დაუჩოქე ხატებს მოწყენით?
მაშ რად დაანთე წველი სანთელი?
ვისზე თქვი – ღმერთო ძლიერ მიყვარსო?
იმ ბედნიერის მითხარ სახელი…

☆”*•:

მინდა, ჩაგიხუტო მაგრად,
მინდა, რაღაც გითხრა ყურში,
მაგრამ მე უშენოდ ვდგავარ
და შენს ნაფეხურებს ვკოცნი.
ისევ მომენატრე ძლიერ,
ისევ ამედევნე ფიქრად,
ჩუმად გელოდები, მაგრამ
ვაი, რომ ვერ გხედავ სიზმრად.
ვიცი, უშენობა მომკლავს,
ვიცი, დავიღვრები ცრემლად,
მე შენს ნაფეხურებს ვკოცნი
და ფიქრებს მოვყავარ შენთან..

7 Aug

მე შენ გაჩუქებ გაზაფხულის მზეს,

ლურჯთვალა იებს, ვარდების თოვას, აპრილის ქარებს,

წვიმას და ჭადრებს, ფოთლების ჩურჩულს, ჩიტების ლხენას…
მე შენ გაჩუქებ ლურჯთვალა ფიქრებს.

ცისფერ იმედს და ფრთათეთრ ოცნებას, სიჩუმეს, წვიმას, გვირილებს, უნაზეს სევდას, წვიმისფერ თვალებს…
მე შენ გაჩუქებ ტყის მელოდიას, ფოთლების შრიალს,

მათ ლამაზ ბგერას, ატმის ყვავილთა ვარდისფერ ბურუსს, ჭადრის ფოთოლთა ნაღვლიან მღერას…

მე შენ გაჩუქებ ლხინსა და წყენას, ტკივილს და ცრემლებს,

იმედს და რწმენას…

3 Aug

რომ დაგიჩოქო დარწმუნდები ჩემს სიყვარულში?
მომეფერები, გამიღიმებ? მითხარი კარგო!
რომ შეგევედრო ჩაიხედავ ჩემს წმინდა სულში
თუ ყველაფერი სიგიჟეა, სჯობს დავიკარგო.
ოჰ, როგორ მსურდა ერთხელ მაინც
შენს წინ დავემხო
არ დაგაცადო გაკვირვება და აღშფოთება
ვიტირო დიდხანს, რომ ცრემლებით მიწაც გავალვხო
რომ ვერასოდეს გაგიბედო მე განშორება.
მაგრამ სად, როგორ, როდის შევძლო
შენთან ცრემლისღვრა?!
როგორ გაკადრო მე უვიცმა შენ შეყვარება.?!
ჩემი ბრალია თუ გამიხდი ძილში ზმანებად
ჩემი ბრალია მოსვენება თუკი წამართვი
ჩემი ბრალია ქვეყნად
შენს მეტს თუ ვერვის ვხედავ!
დამნაშავე ვარ, თუ ამის თქმას მე შენ გიბედავ.
ო, მეშინია მაგ თვალების ასე რომ მხიბლავს
კადნიერებად არ ჩათვალო ოცნება წმინდა
გამიგო მხოლოდ და გზა მისცე ჩემს ფიქრთა წინსვლას
ქვეყნად მეც მყავდეს მეგობარი
ო, როგორ მინდა
რომ დაგიჩოქო დარწმუნდები ჩემს სიყვარულში?!
მომეფერები, გამიღიმებ? მითხარი კარგო!
იქნებ ჯობია ყველაფერი ჩავიკლა გულში
და ამ ქვეყნიდან სამუდამოდ გადავიკარგო.

3 Aug

  • მენატრები, უსასრულოდ მენატრები,
  • ტიალ ფიქრებს ვერაფერი მოერევა,
  • დაღამდება, ძველებურად მემალები,
  • თეთრი მთვარე მტირალ ტირიფს მოეხვევა.
  • შენზე ფიქრებს ბობოქარ ზღვას მოვუყვები,
  • მე კვლავ ისევ უშენობა მელოდება,
  • შავ მორევში შავი ფიქრით ჩავეშვები,
  • აღელდება ზღვა, საოცრად აღელდება.
  • გიხმობ, სად ხარ? უკვე ძალზე გვიანია,
  • მე კი ისევ გელოდები, დავიღალე,
  • შენ მითხარი, დრო ყველაფრის მკურნალია,
  • რა ვქნა, თუ მეც ამ დიდ დროში დაგეკარგე.
  • ალბათ, მოხვალ, სიყვარულზე მომიყვები
  • და ჩემ გარდა რომ არავინ გყვარებია,
  • ოცნებებში შენი სახე დახატულა,
  • მონატრების სევდა ჩემზე ძლიერია
  • 3 Aug

    ledusiii uketaaaa (party) xval antaliashi mivdivar (party)

    miss miss

    Follow

    Get every new post delivered to your Inbox.